生痱滋點樣處理？中醫分虛火實火 + 實用食療
生痱滋點樣處理？中醫分虛火實火 + 實用食療
呢幾日晚晚 party、大魚大肉，唔係每個人身體都負荷得住。生痱滋，其實已經係身體發出嘅「失衡警告」。
中醫有云「舌為心之苗」，痱滋同「心」有密切關係。更重要嘅係，生喺舌頭唔同位置，反映唔同臟腑問題：
- 舌尖：心肺
- 舌中：脾胃
- 舌兩側：肝膽
- 舌根：腎
最常見嘅係生喺舌尖，多同心肺有關。
生痱滋三個實用處理方法
1. 勤用「陳皮甘草鹽 」漱口
用 3g「陳皮甘草鹽」（養喉寶內有），早晚漱口，有助殺菌同舒緩疼痛。
2. 分清楚虛火定實火再食療
點樣分？
- 實火：多因大吃煎炸油膩、熱氣食物引起。 特徵：痱滋紅腫、灼熱、疼痛明顯。 食療：清心火茶 材料：淡竹葉 3錢、甘草 2錢 做法：水滾後加入材料，煲 6 分鐘即可。
- 虛火：多因晚睡、熬夜引起。 特徵：痱滋淡紅、灼痛較輕。 食療：養陰清熱茶 材料：石斛 5錢、地骨皮 5錢 做法：水滾後加入材料，煲 18 分鐘即可。
以上為成人用量。
小朋友、孕婦、大便稀溏，或對以上材料有過敏者不宜服用。
3. 長期反覆生痱滋
屬慢性炎症，建議晚上做「接地氣」，有助卸走令身體發炎嘅壞電子。
另外，大多數脾胃較差嘅人都容易生痱滋。建議平時做好健脾祛濕，最重要係——記得早啲瞓。
重要提醒
唔同臟腑上火、實火同虛火，處理方法完全唔同。如果唔清楚自己係邊一種類型，或者反覆生痱滋，可能身體潛藏其他問題，建議盡快面診診斷。